2024 йил октябр ойида Хитойнинг Уху шаҳрида "Келажак учун технологиялар" шиори остида Chery 2024 Глобал инновацион конференцияси (CGIC)нинг очилиши бўлиб ўтди. Тадбирда Chery компанияси турли технологик соҳалардаги илғор ютуқларини намойиш этди ва автомобилсозлик саноатини ривожлантиришнинг стратегик йўналишларини белгилаб берди. Chery интеллектуал технологиялар соҳасида етакчи ўринларни эгаллаш, янги технологик уфқларни ўзлаштириш ва юксак натижаларга эришишга интилишини эълон қилди. Фойдаланувчининг тажрибасини яхшилашга қаратилган интеллектуал автомобил бошқариш учун энг янги ечимлар, шунингдек, янги энергия манбалари соҳасида компания экотизимини мустаҳкамлайдиган янги QPower батарея технологияси намойиш этилди.
Аввалги Chery Tech Day форматидан фарқли ўлароқ, CGIC 2024 конференцияси бир кунлик тадбирдан бир ҳафталик технологик тақдимотлар ва муҳокамаларга кенгайтирилди. Тадбирда мингдан ортиқ меҳмонлар, жумладан, давлат тузилмалари, академик ва профессионал ҳамжамият вакиллари, шунингдек, халқаро ҳамкорлар, жумладан, Chery брендининг Ўзбекистондаги расмий дистрибютори — ADM Global компаниялар гуруҳи иштирок этди.
Очилиш маросимида Chery Group директорлар кенгаши раиси Ин Тунюе ва компаниянинг бошқа топ-менежерлари иштирок этди. Раис ўз нутқида шундай деди: "Инновациялар — Chery учун асос ва зарурият. Биз маҳсулотларимиз ва хизматларимизни рақобатбардош қиладиган инновациялар орқали брендимизни мустаҳкамлаймиз ва унинг барқарор ривожланишини таъминлаймиз". Ин интеллектуал технологияларнинг ўсиб бораётган аҳамиятини ҳисобга олган ҳолда, компания соҳада етакчи ўрнини сақлаб қолиш учун интеллектуал ютуқларга интилиб, янги технологик уфқларни тадқиқ қилишни давом эттиришини таъкидлади.
Шунингдек, раис Ин Chery нафақат технологик мукаммалликка эътибор қаратаётганига, балки Хитой компаниялари ўртасида глобаллашувнинг илк кашфиётчиларидан бири эканлигига ҳам эътибор қаратди. Конференциянинг биринчи кунида Chery компаниясининг жаҳон бозори учун юқори сифатли, ишончли ва узоқ муддатга чидамли автомобилларни ишлаб чиқаришга қаратилган глобал стратегияси тақдим этилди. Компания маҳсулотларни ҳар бир бозор эҳтиёжларига мослаштириш ва турли фойдаланиш шароитларида автомобилларнинг ишончлилигини таъминлаш учун маҳаллий синовларни ўтказиш орқали ишлаб чиқариш жараёнларини такомиллаштирмоқда.
Chery компаниясининг глобал стратегияси бозорга ва мижозларнинг манфаатларига йўналтирилганлик тамойилларига асосланади, бунда асосий эътибор нафақат техник ишланмаларга, балки жараёнлар ва хизматларни маҳаллийлаштиришга ҳам қаратилади. Chery 2025 йилга келиб турли мамлакатлар ва маданиятлар талабларига мослаштирилган моделларни ишлаб чиқаришни режалаштирмоқда. Мазкур автомобиллар юқори сифат стандартларига жавоб беради ва маҳаллий хусусиятларни ҳисобига харидорларнинг турли эҳтиёжларини қондириш имконини беради.
