«Миллий тикланиш» партияси етакчиси Алишер Қодиров Ўзбекистонда ЛГБТ ташвиқотини тақиқловчи қонун лойиҳаси тайёрланаётганини айтди. Тегишли постни у ўз Telegram-каналида жойлаштирди.
Сиёсатчи Доналд Трампнинг қизи Иванка Трамп томонидан ижтимоий тармоққа жойлаштирилган постга изоҳ берди. У отасининг номақбул жинсий контент ва трансгендер мафкурасини ўргатадиган мактабларни федерал молиялаштиришни тўхтатиши ҳақидаги баёнотини келтирди.
Қодировнинг таъкидлашича, «Хасталикнинг ўчоғидаги ўзгариш – бу жуда яхши».
«Биз бу борада ҳар қандай тарғиботни тақиқловчи қонунни қабул қилиш устида ишлаяпмиз», деб қўшимча қилди у.
«Миллий тикланиш» партияси етакчиси бошқа тафсилотларни маълум қилмади.
