Ноябр ойи учун инфляция даражаси маълум қилинди

Статистика агентлиги хабарига кўра, йиллик инфляция (2023 йил ноябрига нисбатан) 10 фоизгача пасайди (бир ой аввал бу кўрсаткич 10,24 фоиз эди), йил бошидан эса (январ-ноябр) нархлар ўртача 8,67 фоизга ошди. Марказий банк йил давомида инфляцияни 9,5 фоиз даражасида прогноз қилмоқда.

Ўтган ойда озиқ-овқат маҳсулотлари нархи ўртача 1 фоизга ошди (йиллик ҳисобда — 2 фоизга ўсди). Ноозиқ-овқат маҳсулотлари 1 фоизга (8,3 фоизга), пуллик хизматлар нархи 0,8 фоизга (27,8 фоиз) қимматлашди.

Гўшт таннархининг ўсиши секинлашди: суякли мол гўшти — 0,3 фоиз. Шакар 3 фоизга, гуруч 5,5 фоизга, ун 1,2 фоизга арзонлашди.

Дори-дармонлар нархи ўсишда давом этмоқда ва ноябр ойида яна 0,7 фоизга ошган (йил бошидан буён 25,1 фоиз).