Қўшимча функционаллар
-
Тунги кўриниш
Россияга кирувчи мигрантлар мажбурий тиббий кўрикдан ўтказилиши мумкин
Тегишли қонун лойиҳаси Давлат Думасига киритилиши кутилмоқда.
Фото: Владимир Афанасьев
Россия Давлат Думаси спикери Владимир Володин Россияга кирувчи хорижликларни мажбурий тиббий кўрикдан ўтказиш бўйича қонунчилик ташаббуси Давлат Думасига киритилишини маълум қилди.
Бундан ташқари, у ҳукуматдан умуман меҳнат миграциясини тартибга солиш ва мигрант оилаларнинг Россияга киришига оид таклифлар киритишини кутаётганини айтди.
«Миграция сиёсати соҳасини тўлиқ тартибга солинмагунча такомиллаштиришни давом эттириш муҳим. Буни миграция жараёнларини тартибга солиш ва назорат қилиш учун масъул бўлганларнинг барчаси тушуниши керак», деб ёзди мулозим.
2025 йил феврал ойида Россия Ички ишлар вазирлиги бошлиғининг биринчи ўринбосари Александр Горовой Россия ҳудудида 670 мингга яқин ноқонуний мигрант борлигини, уларнинг аксарияти аёллар ва болалар эканини айтди.
2025 йил январ ойида Россия президенти Владимир Путин имзолаган фармонга кўра, ноқонуний мигрантлар 2025 йил 30 апрелгача Россияни тарк этиши ёки ўз ҳолатини қонунийлаштириши шарт.
Мавзуга оид
00:44
Россия АҚШ билан келишув доирасида 14 йилга қамалган собиқ дипломатни озод этди
21:27 / 11.02.2025
Россияда қаровсиз қолган болалар Ўзбекистонга қайтарилди
21:21 / 11.02.2025
Зеленский урушни тугатиш учун Россия билан ҳудудлар алмашинувига рози
20:03 / 11.02.2025