Техник регламентларни ишлаб чиқиш тартиби тасдиқланди

Техник регламентларни ишлаб чиқиш бўйича таклифлар республика ижро этувчи ҳокимият органлари ва хўжалик бирлашмалари томонидан манфаатдор томонларнинг таклифларини ҳисобга олган ҳолда ва уларни тайёрлаш Дастурига мувофиқ тайёрланади ҳамда ҳар йили 1 ноябрга қадар Ўзбекистон техник жиҳатдан тартибга солиш агентлигига тақдим этилади.

Агентлик келиб тушган таклифлар асосида техник регламентларни ишлаб чиқиш дастури лойиҳасини тайёрлайди ва таклифлар келиб тушган кундан бошлаб 30 иш куни мобайнида Вазирлар Маҳкамасига киритади.

Техник регламентларни ишлаб чиқиш дастурлари Вазирлар Маҳкамасининг қарорлари билан тасдиқланади.

Вазирлар Маҳкамаси қарори билан тасдиқланган Низом қуйидагиларни белгилайди:

• техник регламентларнинг тузилиши ва мазмуни;
• қуйидаги тартиблар:
• уларни ишлаб чиқиш;
• экспертизадан ўтказиш;
• техник регламентларнинг маълумотлар базасини шакллантириш ва юритиш;
• техник регламентларни қайта кўриб чиқиш, ўзгартириш, қўшимчалар киритиш ва бекор қилиш.