Тошкентда Lexus йўл четида турган машина ва фуқарони уриб юборди

Тошкент туманида 2005 йилда туғилган ҳайдовчи Toyota Lexus'ни бошқариб кетаётган вақтида рул бошқарувини йўқотиб, йўл четидаги ҳаракатсиз турган Nexia ва ушбу автомобил ёнида турган фуқарони уриб юборган.

Фото: Тошкент вилояти ИИББ

Жорий йилнинг 4 март куни соат тахминан 12:40 ларда Тошкент вилояти Тошкент тумани ҳудудидан ўтган M39 “Олмаота — Бишкек — Тошкент — Шаҳрисабз — Термиз” автомобил йўлининг 812-кмда йўл-транспорт ҳодисаси юз берди.

Ҳайдовчи, 2005 йилда туғилган А.С Toyota Lexus русумли транспорт воситасини бошқариб кетаётган вақтида рул бошқарувини йўқотиб, йўл четидаги ҳаракатсиз турган Nexia русумли транспорт воситасини ва ушбу автомобил ёнида турган пиёда, 1960 йилда туғилган фуқаро Ш.Ш.ни уриб юбориб, йўл-транспорт ҳодисаси содир этган.

Ушбу йўл-транспорт ҳодисаси натижасида пиёда турли хилдаги тан жароҳатлари олиб, туман марказий шифохонасига ёткизилган.

Ҳозирда ҳолат юзасидан Тошкент тумани ИИБ Тергов бўлими томонидан Жиноят кодексининг 266-моддаси 1-қисмига кўра жиноят иши қўзғатилган бўлиб, тергов ҳаракатлари олиб борилмоқда.