Тошкентда Халқаро парламентлараро иттифоқнинг 150-юбилей сессияси бўлиб ўтади

2025 йилнинг 5-9 апрель кунлари «Tashkent City» ҳудудидаги Конгресс ҳолл мажмуасида ўтказиладиган мазкур анжуманда дунёнинг 180 та мамлакати, 15 та кузатувчи давлат ҳамда 25 дан ортиқ халқаро ва парламентлараро ташкилотдан 2 мингга яқин делегатлар иштирок этиши кутилмоқда.

Сенат матбуот хизматининг маълум қилишича, саммит «Ижтимоий тараққиёт ва адолат учун Парламент ҳаракати» мавзусида бўлиб ўтади. 150-ассамблея кун тартибидан глобал тараққиёт учун муҳим бўлган қуйидаги мавзулар ўрин олган:

• Аҳолини ижтимоий ҳимоя қилиш ва камбағалликни қисқартириш;
• Қонун устуворлигини таъминлаш;
• Инсон ҳуқуқларини ҳимоя қилиш;
• Гендер тенгликни таъминлаш;
• Илм-фан ва технологияларни ривожлантириш ва ёшларни қўллаб-қувватлаш каби масалалар муҳокама қилинади.

Ассамблея сўнгида Парламентлараро иттифоқнинг резолюциялари ва Тошкент декларацияси қабул қилинади.