Қўшимча функционаллар
-
Тунги кўриниш
Тошкентдаги Қўйлиқ бозори ёпилмаслиги маълум қилинди
Унинг фаолияти оптималлаштирилмоқда, деб хабар берди Тошкент шаҳар ҳокимлиги.

Фото: Voice of Tashkent
Илгари муқобил савдо жойларини тайёрлаш зарурати туфайли тўхтатилган Қўйлиқ бозори ҳудудининг бир қисмини қайта қуриш ва ободонлаштириш ишлари қайта тикланди. Бу ҳақда Тошкент шаҳри ҳокимлиги хабар берди.
Қайд қилинишича, ҳозир бозор янада тартибли ҳолга келтирилган — тадбиркорлар учун жойлар яратилди ва ҳудуддаги ишлар фаол давом этмоқда. Барча ишлар босқичма-босқич амалга оширилмоқда, шу билан бирга, савдо фаолияти тўхтатилмаган.
«Бозор ёпилмаяпти, балки унинг фаолияти оптималлаштирилмоқда — тартиб ўрнатиш, санитария шароитларини яхшилаш, инфратузилмани янгилаш ва умумий хавфсизлик даражасини оширишга алоҳида эътибор қаратилмоқда. Бундан ташқари, келгусида жорий этиладиган рақамлаштирилган тизим солиқ тўловларининг шаффофлигини таъминлаш имкониятини яратади. Бу эса, ўз навбатида, яширин иқтисодиётнинг бозордаги таъсирини камайтиришга ёрдам беради», дейилади хабарда.
Таъкидланишича, тизимли қарор қабул қилиниб, бозор халқаро ва замонавий шаҳар стандартларига мос ҳолга келтирилмоқда.
Мавзуга оид

20:19 / 18.07.2025
“Бу нарса барибир кўтарилади” – Мурод Назаров нега дарахтлар кесиш тартибини ўзгартиришни сўради?

09:04 / 18.07.2025
Тошкент ва Фарғонада ички ишлар соҳасидаги пенсионерлар ҳуқуқбузарликлар профилактикасига жалб қилинади

23:57 / 17.07.2025
Тошкентда Кичик ҳалқа автойўлининг бир қисми 4 кунга ёпилади

22:53 / 17.07.2025