Ўзбекистон | 16:42 / 24.05.2025
4534
1 дақиқада ўқилади

Ўзбекистонда "Марказий Осиё – Европа Иттифоқи" иқтисодий форуми бўлиб ўтади

Жорий йилнинг ноябрь ойида Ўзбекистонда "Марказий Осиё-Европа Иттифоқи" иқтисодий форуми ва инвесторлар форуми бўлиб ўтади.

"Казинформ" халқаро ахборот агентлиги маълумотига кўра, бу ҳақда Европа Иттифоқининг Ўзбекистондаги элчиси Тойво Клаар маълум қилган.

Тойво Клаарнинг айтишича, ноябрь ойида Марказий Осиё ва Европа Иттифоқи давлатлари ўртасида иқтисодиёт ва сармоявий форум ўтказиш режалаштирилган. Унда тадбиркорлик соҳасидаги минтақавий ҳамкорлик масалалари муҳокама қилинади.

Марказий Осиё ва Европа Иттифоқи мамлакатлари ўртасида иқтисодиёт ва сармояга бағишланган биринчи форум Қирғизистонда, иккинчиси эса Қозоғистонда бўлиб ўтган.

Отабек Матназаров
Тайёрлаган Отабек Матназаров
Kun.uz янгиликларини Google News'да кузатинг
+ Обуна бўлиш

Мавзуга оид