Қўшимча функционаллар
-
Тунги кўриниш
Чикагодаги тунги клубда отишма юз берди. Уч киши ҳалок бўлди ва 16 киши яраланди
Клуб олдида тўхтаган машинада номаълум шахс базмдан чиқаётганларни ўққа тутган. Полиция жабрланганлар сони ўзгариши мумкинлигини маълум қилди.
Фото: AP
Чикагода номаълум шахс Artis Lounge тунги клубидан чиқаётган одамларни ўққа тутди. Камида уч киши ҳалок бўлди, яна 16 киши яраланди, деб хабар беради CBS News.
Ҳодиса клуб олдида турган автомобиллардан бирининг регистратори томонидан қайд этилган ва тармоқларда тарқалган. Қайд этилишича, отишма юз берган кеча клубда рэпер Mello Buskzz’нинг янги албоми муносабати билан базм ташкил этилган.
Маҳаллий вақт билан соат 00:30 ларда меҳмонлар тарқалишни бошлаган ва шу вақт клуб олдида тўхтаган автомобилдан камида 16 марта ўқ узилган. Полиция жабрланганлар сони ўзгариши мумкинлигини маълум қилди.
Маълумотларга кўра, Artis Lounge клуби яқинда очилган. Унинг ўрнида олдин 2022 йил ноябрда юз берган отишмадан кейин ёпилган Hush Lounge клуби фаолият юритган. Ўшанда бир киши ҳалок бўлган ва уч фуқаро яраланган эди.
Мавзуга оид
09:44 / 03.12.2025
Оқ уй яқинидаги отишмада айбланаётган афғонистонлик айбини тан олмади
16:14 / 27.11.2025
“Ёвузлик ва террор учун энг катта нархни тўлаттирамиз” – Вашингтондаги отишмадан кейин нималар маълум?
08:30 / 27.11.2025
Оқ уй яқинида отишма: афғонистонлик муҳожир миллий гвардиячиларни ўққа тутди
11:50 / 10.10.2025