Иш ва ҳаёт баланси энг яхши бўлган давлатлар рейтинги тузилди

Remote платформаси иш ва ҳаёт мувозанати энг соғлом бўлган мамлакатларнинг янги рейтингини эълон қилди. Тадқиқот дунёнинг энг йирик иқтисодиётига эга 60 та давлатни қамраб олган.

Мамлакатлар ҳақ тўланадиган таътил кунлари сони, бола туғилганида ижтимоий қўллаб-қувватлаш даражаси, энг кам иш ҳақи, тиббий хизмат сифати, хавфсизлик ва бахт даражаси бўйича баҳоланган.

Рейтингда Янги Зеландия биринчи ўринни эгаллади - бу мамлакатда ишчилар йилига 32 кунлик таътилга ва 26 ҳафталик туғруқ таътилига эга бўлиши мумкин.

Иккинчи ўринни универсал соғлиқни сақлаш тизими ва энг кам иш ҳақи миқдори юқори бўлган Ирландия эгаллади. Учинчи ўринда Европадаги энг кам иш ҳақи миқдори юқори бўлган ва ишончли ижтимоий кафолатларга эга Белгия туради.

Юқори ўнталикка Германия, Норвегия, Дания, Канада, Австралия, Испания ва Финландия ҳам кирди. Биринчи ўнта давлатдан еттитаси Европада жойлашган.

Шунингдек, рейтингда Украина 37-ўринда, Россия 43-ўринда, Қозоғистон 46-ўринда қайд этилган. Ўзбекистон рейтингга киритилмаган.