Сурхондарёдаги қўриқхонада рўй берган йирик ёнғин 8 соатда ўчирилди

Сурхондарё вилоятида Шеробод туманидаги қўриқхонада йирик ёнғин содир бўлди. 8 соатдан кўпроқ вақт давомида уни ўчиришнинг иложи бўлмади.

Фото: Видеодан кадр

ФВВ маълум қилишича, 23 июл соат 15:52 да Сурхондарё вилояти, Шеробод тумани, Қизилолма маҳалласи ҳудудида жойлашган Сурхон давлат қўриқхонасига қарашли ҳудудда тахминан 5 гектар майдонда қуруқ ўт ёнаётгани тўғрисида хабар келиб тушган.

Ушбу хабарга асосан, ёнғин-қутқарув экипажлари қутқарувчилари, тегишли ташкилотлар ходимлари воқеа жойига етиб борган. Соат 00:35 да ёнғин тўлиқ ўчирилган.