Тошкентнинг Бектемир туманидаги кўпқаватли уйда ёнғин юз берди

Тошкент шаҳри, Бектемир тумани, Абай маҳалласи, Роҳат кўчасида жойлашган кўпқаватли уйда 12 август куни ёнғин юз берди.

ФВБ берган маълумотга кўра, соат 11:57 да кўпқаватли уй хонадонларининг бирида ёнғин содир бўлгани тўғрисида хабар тушган.

Таъкидланишича, 3 та ёнғин-қутқарув экипажи ва 2 та автонарвон соат 12:06 да ҳодиса жойига етиб бориб, 6 дақиқа ичида ёнғинни ўчирган.

Ҳодиса оқибатида хонадоннинг жиҳозлари ва 20 кв.м. майдони зарарланган.

Ёнғин оқибатида тан жароҳти олганлар тўғрисида маълумот келиб тушмаган.