The New York Times: олқишлар ва инглиз тили
NYT нашрининг ёзишича, Россия етакчисининг ташрифига максимал даражада тантанали тус берилди: ҳарбий авиапарад, қизил йўлак, расмий қўл сиқиш ва президент лимузинида биргаликда ҳаракатланиш. Газетанинг таъкидлашича, Трамп Путинни қарсаклар билан кутиб олди. Нашр, шунингдек, Путин инглиз тилида бемалол мулоқот қилганига эътибор қаратди - унинг ёнида таржимонлар бўлмаган.
«Афтидан, таржимонлар йўқ эди, Путин эса инглиз тилида суҳбатлашиш учун етарлича яхши гапирди. Бу икки етакчи алоҳида муҳокама қилган нарсаларга махфийликни қўшиши мумкин».
Reuters: эски дўстлар каби
Агентлик учрашув муҳитини илиқ, гўё етакчилар узоқ вақтдан бери танишдек таърифлади.
«Трамп ва Путин бир-бирини қадрдон дўстлардек кутиб олди. Уларни илиқ кутиб олди, дейиш деярли камситиш демакдир. Икки эркак бир-бирининг қўлини сиқиб, жуда яхши муносабатда бўлди».
CNN: камгап Трамп ва Европанинг муносабати
CNN телеканалининг эътибор қаратишича, музокаралар бошида Трамп баёнот беришдан ўзини тийди, бу эса камдан-кам учрайди.
«Элмендорф-Ричардсон қўшма базасидаги конференция залида икки киши ўтириб, нима бўлаётганини жимгина кузатди. Уларнинг ҳеч бири кириш нутқини сўзламади».
Телеканал, шунингдек, Европа етакчилари учун Путиннинг бундай тантанали қабул қилиниши «оғриқли бўлганини» таъкидлади.
CNN «тана тили»га ҳам эътибор қаратди: саммит муҳити совуқ бўлмаган.
«Жума куни бўлиб ўтган саммитда тана тили совуқ эмас эди».
NBC: Путин Трамп лимузинини танлади ва Зеленскийдан фарқ қилди
Қутловдан сўнг етакчилар АҚШ президентининг Cadillac автомобилида музокаралар жойига биргаликда йўл олди. NBC нашрининг
