Ҳиндистон ва Покистондаги сув тошқинлари оқибатида 200дан ортиқ киши қурбон бўлди

Ҳиндистон ва Покистонда тинимсиз ёмғирлар натижасида юзага келган сув тошқинлари оқибатида 200дан ортиқ киши қурбон бўлди.  

Ҳиндистон назорати остидаги Кашмирда камида 80 киши ҳалок бўлган ва 80 киши бедарак йўқолган деб ҳисобланмоқда.  

Маҳаллий шифохоналарга камида 50 киши оғир жароҳатлар билан келтирилган. Уларнинг аксарияти қутқарувчилар томонидан лой ва вайроналар орасидан чиқариб олинган. 

Покистонда охирги 24 соат ичида 164 киши ҳалок бўлди. Ўнлаб одамлар турли даражада жароҳатланган.  

Қутқарувчилар Мансехра туманидан 1300 нафар сайёҳни эвакуация қилди. Маълумотларга кўра, бу ерда камида 35 киши бедарак йўқолган. 

Табиий офатларга қарши курашиш миллий бошқармасининг маълумот беришича, мамлакатда 26 июндан буён сув тошқинлари оқибатида 477 киши қурбон бўлган. 

Метеорологлар кучли ёмғирлар давом этишини билдиришмоқда.