АҚШ президенти Доналд Трамп Володимир Зеленский ва Европа раҳбарларига 22 август куни Путин ва Зеленский билан уч томонлама учрашув ўтказиш ниятида эканлигини айтди. Бу ҳақда Axios ўз манбасига таяниб хабар бермоқда.
"У саммитдан сўнг телефон орқали мулоқотида Европа етакчиларига келаси жума куни Путин ва Зеленский билан уч томонлама учрашув ташкил этмоқчилигини айтди", — деган манба.
18 август куни Оқ уйда Трамп Зеленский ва ЕИ вакиллари билан учрашув ўтказиши режалаштирилган.
Трамп Путин билан музокаралардан сўнг, Fox News телеканалига берган интервьюсида томонлар “келишувга анча яқин” эканини айтганди. Унинг сўзларига кўра, энди Украина бунга рози бўлиши керак ва ҳаммаси “президент Зеленскийга боғлиқ”.
