Лондон Россия мудофаа секторига қарши санкцияларни кенгайтирди

Буюк Британия Россиянинг янги мудофаа саноати корхоналари ва улар билан алоқадор шахсларни қора рўйхатга киритди. Қарор Москвага босимни кучайтириш ва ҳарбий технологиялардан фойдаланишни чеклашга қаратилган.

Фото: Dan Kitwood / Getty Images

Буюк Британия Россия корхоналари ва жисмоний шахсларига қарши янги санкциялар пакетини эълон қилди. Бу ҳақда Буюк Британия ҳукумати томонидан чоп этилган баёнотда айтилган.

Санкциялар рўйхатига Россия мудофаа саноати билан алоқадор компаниялар, жумладан: "Анозит", "Протон", "Синвент", "Элеконд", "Поиск", "Технодинамика", "Русполимет", Сарапул радиозаводи ва Митишчи ускуналар заводи кирди. Чекловлар қатор конструкторлик бюроларига, шунингдек, ҳарбий саноат учун радиоэлектроника ва кимёвий хомашё ишлаб чиқарувчи корхоналарга ҳам таъсир кўрсатди.

Шунингдек, санкцияга учраган шахслар: Лондон Россия ҳарбий-саноат комплексига ёрдам беришда айблаган Shenzhen Blue Hat International Trade Хитой компаниясининг эгалари Елена ва Алексей Малицкий.

Тайёрлаган: Отабек Матназаров

#Буюк Британия #санкция #Россия