Еврокомиссия Россия нефти ва газидан воз кечишни тезлаштиришни таклиф қилади

Россиянинг ҳарбий иқтисодиёти «Украинадаги қон тўкилишини» молиялаштирмоқда, шунинг учун Еврокомиссия Россия энергия ресурсларидан воз кечиш бўйича тезлаштирилган режани таклиф қилади, деди Урсула фон дер Ляйен Доналд Трамп билан суҳбатдан кейин.

Фото: Pascal Bastien/AP Photo/dpa/picture alliance

Еврокомиссия (ЕК) Россиядан нефт ва газ импортини рад этишни тезлаштиришни таклиф қилади, бу ҳақда 16 сентябр, сешанба куни ЕК раиси Урсула фон дер Ляйен АҚШ президенти Доналд Трамп билан суҳбатдан сўнг маълум қилди.

«Россиянинг қазиб олинадиган ёнилғи билан таъминланган уруш иқтисодиёти Украинадаги қон тўкилишини молиялаштирмоқда. Бунга чек қўйиш учун Еврокомиссия Россиядан қазиб олинадиган ёнилғи импортини босқичма-босқич тўхтатишни тезлаштиришни таклиф қилади», деб ёзади фон дер Ляйен X ижтимоий тармоғида.

Трамп билан телефон суҳбати мавзуси, ЕК раҳбарининг сўзларига кўра, Россияга иқтисодий босимни кучайтириш бўйича кейинги қадамлар бўлди. Фон дер Ляйен, шунингдек, Европа комиссияси яқинда Россияга қарши «криптовалюталар, банклар ва энергия»га қаратилган 19-санкция пакетини тақдим этишини айтди.

Олдин ишлаб чиқилган ЕИ режасида Европа Иттифоқи аъзолари 2028 йил 1 январга қадар Россия энергия ресурсларидан бутунлай воз кечиши назарда тутилган эди.