Марказий банк 2025 йилнинг август ойидаги инфляция кўрсаткичларини эълон қилди.
Умумий йиллик инфляция 2022 йилда 12,3 фоиз бўлган; 2023 йилда пасайиб, 8,8 фоиз, 2024 йилда бироз ошиб, 9,8 фоиз, 2025 йил август ҳолатида яна 8,8 фоизга тушган.
Нархи 10 фоиздан юқори ошган товар ва хизматларнинг улуши камайган, бунда:
- 2022 йилда - 52 фоиз;
- 2023 йилда - 25 фоиз;
- 2024 йилда - 22 фоиз;
- 2025 йилда - 18 фоиз.
Бу умумий инфляция пасайиш трендига эгалиги ва “юқори инфляцияли” элементлар сони камайганини кўрсатади. Натижада аввалги йиллардаги нарх шоклари сусайган.
Озиқ-овқат маҳсулотлари (энг катта ўзгаришлар)
Инфографикага кўра, баъзи озиқ-овқатлар нархи сезиларли даражада пасайган, бошқалари эса кескин ошган:
Августда қовоқ (-52,8 фоиз), узум (39,5 фоиз), помидор (34,7 фоиз), гуруч (-17,8 фоиз), олма (-16,6 фоиз) ва бодринг (-15,3 фоиз) нархлари пасайди.
Ҳисобот даврида озиқ-овқатлар таркибида сабзи (69,1 фоиз) карам (46,5 фоиз) ва пиёз (40,1 фоиз) нархи энг тез ўсган маҳсулот бўлди. Бундан ташқари, қуйидаги маҳсулотлар нархлари ҳам сезиларли қимматлаган:
• Пахта мойи (ёки ўсимлик ёғи): +39,4 фоиз
• Картошка: +32,0 фоиз
• Қўй гўшти: +28,5 фоиз
Ноозиқ-овқат товарлар (маиший ва саноат товарлари)
Августда ноозиқ-овқат маҳсулотлари нархи бироз пасайган. Хусусан, пропан -6,1 фоизга, қоғоз А4 -4,6 фоизга, ошхона техникаси -3,3 фоизга арзонлаган.
Олтин нархлари глобал бозорда рекорд даражада қимматлаши заргарлик буюмларида ҳам акс этган – никоҳ узуги 33,2 фоизга қимматлади.
Ноозиқ-овқат маҳсулотлари таркибида метан нархи 31 фоизга, газета, 15,3 фоизга, бензин 11,1 фоизга, атир совун 10,1 фоизга, витаминлар 9,9 фоизга ошди.
