Орегон штати расмийлари Трамп ва Ҳегсетни судга берди

АҚШ президенти норозилик намойишларига қарши курашиш учун Портлендга қўшин киритишни буюрди. Штат ва шаҳар расмийларининг фикрича, Трамп ўз ваколатларидан чиқиб кетган ва Оқ уй ва Мудофаа вазирлиги устидан судга мурожаат қилинди.

Фото: White House / Molly Riley

28 сентябр, якшанба куни Орегон штати ва унинг аҳолиси энг кўп бўлган Портленд шаҳри расмийлари АҚШ ҳукуматига қарши даъво аризаси билан чиқди. Даъвогарларнинг таъкидлашича, президент Доналд Трамп маъмурияти тартибсизликларга жавобан Орегон штати Миллий гвардияси қўшинларини федерал хизматга жалб этишга буйруқ бериб, ўз ваколатларидан чиқиб кетган.

Бу ҳаракат АҚШ конституцияси тамойилларини бузади, дея маълум қилди штат ва шаҳарни ҳимоя қилувчи адвокатлар. «Жавобгарларнинг провокацион ва ўзбошимчалик ҳаракатлари жамоат хавфсизлигини таъминлашдан узоқда, жамоатчилик норозилигини қўзғатиш орқали унга путур етказиш билан таҳдид қилади», дейилади даъво аризасида.

Ҳужжатда президент, мудофаа вазири Питер Ҳегсет, ички хавфсизлик вазири Кристи Ноэм ва тегишли вазирликлар жавобгар сифатида кўрсатилган. Аввалроқ шу куннинг бошида мудофаа вазири 200 нафар Орегон Миллий гвардияси аскари «дарҳол 60 кунлик муддатга федерал бурчга чақирилиши» айтилган меморандумни эълон қилди.