Учтепада шахсий хонадонларнинг бирида ёнғин содир бўлди

Учтепа туманида содир бўлган ёнғин тўғрисида маълумот тақдим этилди.

Кеча, 3 октябр куни соат 18:07 да Тошкент шаҳар Учтепа тумани Ибрат кўчасида шахсий хонадонларнинг бирида ёнғин содир бўлаётгани тўғрисида Тошкент шаҳар ФВБга хабар тушган.

Шунга кўра, ёнғин-қутқарув экипажлари соат 18:13 да воқеа жойига етиб бориб, ёнғин соат 18:19 да қуршаб олинди ва соат 18:28 да ўчирилди.

Ҳодиса оқибатида тан жароҳати олган фуқаролар тўғрисида хабар тушмади.