Мирзо Улуғбек туманидаги мактабнинг том қисмида ёнғин содир бўлди

Мирзо Улуғбек туманида содир бўлган ёнғин тўғрисида маълумот тақдим этилди.

Фото: Социальные сети

Мирзо Улуғбек туманидаги 208-сонли умумтаълим мактабида дастур асосида мукаммал таъмирлаш ишлари олиб борилиши сабабли 27 июл 2025 йил санасидан бошлаб ёпилган. 208-мактаб ўқувчилари бошқа мактабларда янги ўқув мавсумини бошлаган.

Кеча, 13 октябр соат 17:20 да 208-сонли умумтаълим мактабида таъмирлаш ишлари жараёнида бинонинг том қисмида ёнғин содир бўлган.

Ёнғин-қутқарув экипажлари айтилган манзилга соат 17:28 да етиб бориб, ёнғин соат 17:39 да қуршаб олинган ҳамда соат 17:42 да батамом тўхтатилган.

Ёнғин вақтида мактаб ходимлари ва ўқувчилар бўлмаган.