Тошкентнинг айрим туманлари аҳолиси вақтинча газсиз қолади

Газ тармоқларида режали таъмирлаш ишлари олиб борилиши муносабати билан бугун, 14 октябр куни Тошкент шаҳрининг айрим туманларида табиий газ таъминоти вақтинчалик тўхтатилади.

Фото: Kun.uz

Бу ҳақда «Худудгаз Пойтахт» филиали матбуот хизмати хабар берди.

Сергели туманидаги Қумариқ, Олтин водий, Учувчилар маҳаллалари ҳамда Мирзо Улуғбек туманидаги «Буюк Ипак йўли» маҳалла фуқаролар йиғинининг айрим ҳудудларида узилишлар содир бўлади.

Соат 10:00 дан 18:00 гача газ таъминоти тўхтатилади, шундан сўнг у тўлиқ тикланади.

Компания вақтинчалик ноқулайликлар учун фуқаролардан узр сўради.