Футбол бўйича Ўзбекистон кубоги нимчорак финалидан ўрин олган иккита баҳс якунига етди.
Олмалиқда бўлиб ўтган “Сурхон” – “Гулистон” жамоалари учрашуви Асилбек Умирзақовнинг 52-дақиқада урган голи эвазига 0:1 ҳисобида тугади.
Ушбу ғалаба билан “Гулистон” Ўзбекистон кубоги чорак финалига чиққан илк Биринчи лига жамоасига айланди.
Куннинг иккинчи учрашуви Фарғонада бўлиб ўтди. “Истиқлол” стадионида “Пахтакор”ни қабул қилган “Нефтчи” 1:0 ҳисобида ғалаба қозонди. Мезбонларнинг ягона голига 81-дақиқада Стипе Перица муаллифлик қилди.
30 август куни яна иккита баҳс ўтказилади. “Сўғдиёна” “ҚМУ Жайҳун” билан, “Навбаҳор” “Насаф” билан чорак финал йўлланмаси учун кураш олиб боради.
