Таниқли фотосуратчи тутқич бермас силовсинларнинг ноёб суратларини эълон қилди

Кўплаб мукофотлар лауреати, табиатда ишловчи фотограф Стив Уинтер Ню-Жерсида, шу жумладан тунда ва қорда силовсинларни суратга олиш учун симсиз фотоқопқонлардан фойдаланди.

Эллик йил аввал Ню-Жерси штатида силовсинлар йўқолиб кетган. Олимлар уларни ёввойи табиатга қайтарди, аммо ўзгарувчан иқлим ва ортиб бораётган урбанизация шароитида омон қолиш учун уларга кўпроқ жой керак.

Уинтер Ню-Йорк шаҳридан 100 километр шимоли-ғарбда жойлашган Ню-Жерси штатидаги Johnsonburg Swamp Preserve қўриқхонасида силовсинларни суратга олди. Ушбу 700 акр майдон штатнинг шимоли-ғарбий қисмида яратилган муҳим яшил коридор бўлган «Силовсин аллеяси» учун асосий нуқтадир. Тор йўллар бўйлаб Уинтер ўта кенг бурчакли объективлар ва камералар ҳамда чироқлар учун корпуслар билан фотоқопқонларини ўрнатди.

Индианада туғилган фотожурналист Стив Уинтер ўз фаолиятини Black Star агентлигида бошлаган ва ёввойи табиатни суратга олишга тўлиқ вақтини бағишлаган. У ўттиз йилдан ортиқ вақтдан бери National Geographic билан ҳамкорлик қилиб келади. Катта мушуксимонлар фотографиясига ихтисослашган Уинтер халқаро эътироф ва кўплаб мукофотларга сазовор бўлди, жумладан, ВBC Wildlife Photographer of the Year ва BBC Wildlife Photojournalist of the Year, шунингдек, энг яхши табиат ҳақидаги ҳикоя учун World Press Photo мукофотига. У икки марта Picture of the Year International Global Vision Award мукофоти лауреатига айланган.

Уинтернинг суратлари Ню-Жерсидаги олимлар ва табиатни муҳофаза қилувчилар томонидан юқори баҳоланди: у силовсинлар популяциясининг тикланишини ва уларнинг ёввойи гўзаллигини акс эттиради.