XPeng учувчи минивэнини ишга туширди

Хитойнинг XPeng компанияси дунёда биринчилардан бўлиб одамлар учун дрон ўрнатилган минивэн ишлаб чиқаришни йўлга қўйди. Бу технология автомобиль ва авиация ўртасидаги чизиқни бутунлай йўқ қилиши мумкин.

Фото: XPeng

Янги модель — Land Aircraft Carrier деб номланади. У гибрид двигателга эга бўлиб, 1000 км гача йўл босиши мумкин. Энг ҳайратланарлиси — минивэн ичидаги икки ўринли коптер машинанинг танасидан ажралиб чиқиб, автопилот ёки қўлда бошқариладиган тарзда учиши мумкин.

Тўғри, ҳозирча парвозлар фақат ҳукумат рухсат берган махсус йўналишларда амалга оширилади. Аммо бу босқич — келажак транспортига қўйилган катта қадам.

Нархи ҳозирча сир, лекин тахминан 2 миллион юань (≈280 минг доллар) атрофида бўлиши айтилмоқда. Сотувлар 2026 йилда бошланади.

#Хитой #минивэн #XPeng