Тўқимачилик ва кийим, табиий газ қазиб олиш – 9 ойлик инвестицияда етакчи тармоқлар

Миллий статистика қўмитасига кўра, 2025 йил январ—сентябр ойларида саноат тармоқларига барча манбалар ҳисобидан асосий капиталга ўзлаштирилган инвестициялар 165,3 трлн сўмни ташкил этди. Шундан ишлаб чиқариш саноати — 121,2 трлн сўм, тоғ-кон саноати — 44,1 трлн сўм.

Ҳисобот даврида инвестицияларнинг асосий қисми тоғ-кон тармоғида табиий газ қазиб олиш (улуши — 10,7 фоиз), ишлаб чиқариш тармоқларида эса тўқимачилик маҳсулотлари ва кийим ишлаб чиқариш (13,3 фоиз)га тўғри келган.

Динамика (январ—сентябр кесими):

тоғ-кон саноати (трлн сўм): 2021 — 13,8 | 2022 — 11,2 | 2023 — 21,3 | 2024 — 47,9 | 2025 — 44,1;
→ 2024га нисбатан -7,9 фоиз;

ишлаб чиқариш саноати (трлн сўм): 2021 — 37,5 | 2022 — 53,0 | 2023 — 66,9 | 2024 — 100,7 | 2025 — 121,2;
→ 2024га нисбатан +20,3 фоиз.

Жами саноат (трлн сўм): 2024 — 47,9 + 100,7 = 148,6, 2025 — 44,1 + 121,2 = 165,3 → йиллик ўсиш тахминан +11,2 фоиз.

Ҳажмнинг ўсиши асосан ишлаб чиқариш саноати ҳисобига таъминланди (айниқса, тўқимачилик–кийим кластерлари). Тоғ-конда инвестициялар ўтган йилга нисбатан бироз пасайган бўлса-да, тармоқ ичида газ қазиб олиш йўналиши марказий ролини сақламоқда.