Тошкентда 115-сонли автобус йўналиши янгиланди

Тошкентда 115-сонли «ТошГРЭС маъмурий биноси — Гулобод кўчаси» автобус йўналиши 2025 йил 4 декабрдан бошлаб Ғишт завод бекатигача узайтирилиб, йўловчилар учун ҳаракат вақти 05:00 дан 23:15 гача этиб белгиланди.

Йўл ҳаракати хавфсизлигини таъминлаш, транспорт инфратузилмасини яхшилаш ва тирбандликларни камайтириш бўйича 2025 йил 9 июл куни ўтказилган видеоселектор йиғилишида берилган топшириқлар ижроси доирасида Тошкент вилоятининг ёндош ҳудудларини пойтахт билан боғлаш ишлари давом этмоқда.

Шу муносабат билан, 2025 йил 4 декабрдан бошлаб 115-сонли «ТошГРЭС маъмурий биноси — Гулобод кўчаси» автобус йўналишининг қатнов йўли янгиланиб, ТошГРЭС маъмурий биносидан Ғишт завод бекатигача узайтирилди.

«Тошшаҳартрансхизмат» АЖ ахборот хизматининг маълум қилишича, 115-сонли автобуслар ҳаракат вақти 05:00 дан 23:15 гача этиб белгиланган. Янгиланган йўналиш йўловчилар учун қулайлик яратиш ва жамоат транспортидан фойдаланиш имкониятларини кенгайтиришга хизмат қилиши кутилмоқда.

Тайёрлаган: Отабек Матназаров

#автобус #Тошкент