Себзорда авариявий ҳолат сабаб Nexia-3 устунга бориб урилди

9 декабр куни Тошкент шаҳар Олмазор туманида авариявий ҳолат туфайли Nexia-3 русумли автомашина устунга бориб урилди. Ҳодиса натижасида ҳайдовчига шифокорлар томонидан биринчи тиббий ёрдам кўрсатилди.

Фото: Ижтимоий тармоқлар

Тошкент шаҳар ИИББ ЙҲХБ маълумотига кўра, жорий йил 9 декабр куни соат 09:00 ларда Олмазор тумани Себзор кўчасида Tracker-2 русумли автомашина ҳайдовчиси Nexia-3 автомашинасига нисбатан авариявий хавфли ҳолат юзага келтирган.

Натижада Nexia-3 рулини бошқариш имкониятини йўқотган ҳайдовчи йўл четидаги ёритгичлар учун мўлжалланган устунга бориб урилган ва йўл-транспорт ҳодисаси содир бўлган.

ЙТҲ оқибатида Nexia-3 ҳайдовчисига шифокорлар томонидан биринчи тиббий ёрдам кўрсатилган.

Мазкур ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.

Ҳуқуқни муҳофаза қилувчи органлар барча йўл ҳаракати қатнашчиларидан қоидаларга қатъий риоя қилиш, айниқса, зич ҳаракат ва тор кўчаларда эҳтиёткорликни янада оширишни сўраган.

Тайёрлаган: Отабек Матназаров

#ЙТҲ #Олмазор тумани #Себзор