Қўшимча функционаллар
-
Тунги кўриниш
Видео: Пискентда кўплаб дарахтлар кесилиб, яшил ҳудуд йўқ қилингани айтилмоқда
Kun.uz'га юборилган видеога кўра, Тошкент денгизига яқин ҳудудда бир қанча дарахтлар кесилиб, унинг шох ва тўнкалари ҳар томонга ташлаб кетилган. Мурожаат муаллифи бу жой олдин яшил маскан бўлганини айтмоқда. Таҳририят бу борада Экология қўмитасига сўров юборди.
Фото: Видеодан кадр
Тошкент вилояти Пискент туманида, Тошкент денгизига яқин ҳудудда кўплаб дарахтлар кесиб ташлангани ҳақда Kun.uz'га видеомурожаат келиб тушди.
Видео 7 декабр куни олинган. Унда дарахтлар кўп йиллик бўлгани, ҳар ёқда шох-шабба ва тўнкалар сочилиб ётгани кўринади.
“Мана бунга қаранг, қандай дарахтларни кесиб ташлашди. Бу нимаси? Бу Тошкент денгизи [ҳудудида] бўлган. Кўряпсизми, ҳаммасини йўқ қилишган. Қани бизнинг экология [расмийлари], дарахтлар қанча кислород беради. Шундоқ ҳам ҳаво жуда ифлосланган. Бу ерда эса барча дарахтларни йўқ қилиб туришибди.
Бирор чора кўринглар, табиатни ҳимоя қилинглар. Бу ер яшил ҳудуд эди. Бу дарахтларни нима учун кесишди? Айни шу дарахтларни ўстиришга 20-30 йил кетади”, – деди мурожаат йўллаган одам.
Дарахтлар нима сабаб билан кесилгани маълум эмас. Kun.uz бу борада Экология ва иқлим ўзгариши миллий қўмитасига сўров юборди.
Мавзуга оид
11:59 / 09.12.2025
Тошкентда катта миқдорда психотроп дори биологик қўшимча идишларига солинган ҳолда топилди
09:59 / 09.12.2025
Тошкент вилоятида 13 ёшли қиз орқали дори сотган аёл ва унинг шериклари ушланди
16:18 / 02.12.2025
Хизмат йўқ, лекин тўлов бор: 5 та чиқинди ташиш корхонасининг қонунбузарлиги аниқланди
09:00 / 30.11.2025