«Менинг мактабим» доирасида лойиҳа киритиш босқичи бошланди

15–24 декабр кунлари 5-синфдан 11-синфгача бўлган ҳар бир ўқувчи ўзи таълим олаётган умумтаълим мактабига доир лойиҳаларни илгари суриши ҳамда ушбу лойиҳаларга овоз бериши мумкин.

Фото: Kun.uz

15 декабрдан 2025/2026-ўқув йили доирасида «Менинг мактабим» лойиҳасининг 2-босқичи бошланди, деб хабар берди Иқтисодиёт ва молия вазирлиги.

Қайд қилинишича, 15–24 декабр кунлари лойиҳалар шакллантирилади.

Ўқувчилар «Очиқ бюджет» портали орқали қуйидаги усуллардан фойдаланган ҳолда ўз лойиҳаларини илгари суриши мумкин:

- автоматик тарзда — лойиҳа намуналари орасидан ўзига ёққан лойиҳани танлаш орқали;

- мустақил равишда — тақдим этилган лойиҳа намуналари орасида мавжуд бўлмаган лойиҳаларни янгидан шакллантириш орқали.

«Менинг мактабим» лойиҳасида 5-синфдан 11-синфгача бўлган ҳар бир ўқувчи ўзи таълим олаётган умумтаълим мактабига доир лойиҳаларни илгари суриши ҳамда ушбу лойиҳаларга овоз бериши мумкин.

Таъкидланишича, 25 декабрдан 10 январгача лойиҳалар саралаб олинади. 11–20 январ кунлари овоз бериш жараёни ўтказилади.