Қўшимча функционаллар
-
Тунги кўриниш
«Сув захирамиз ўтган йилнинг шу даврига нисбатан 6,5 млрд куб метрга кам» – сув хўжалиги вазири
2025 йилда Ўзбекистон бўйлаб қишлоқ хўжалиги маҳсулотларини етиштириш учун 40 млрд куб метрдан ортиқ сув етказиб берилган. «Бугунги кун ҳолатида трансчегаравий сув омборлари билан ҳисоблаганда, сув захирамиз ўтган йилнинг шу даврига нисбатан 6,5 млрд куб метрга кам. Ички сув омборларимизда эса 2,7 млрд куб метр кам сув йиғилган», – деди сув хўжалиги вазири Шавкат Ҳамроев.
Фото: Қонунчилик палатаси матбуот хизмати
10 декабр куни Олий Мажлис Қонунчилик палатасида сув хўжалиги вазири Шавкат Ҳамроев 2025−2028 йилларга мўлжалланган Сув ресурсларини бошқариш ва ирригация секторини ривожлантириш дастурининг ижроси ҳақида маълумот берди.
Вазирнинг таъкидлашича, 2025 йилда Ўзбекистон бўйлаб қишлоқ хўжалиги маҳсулотларини етиштириш учун 40 млрд куб метрдан ортиқ сув етказиб берилган. Ўз навбатида, олдиндан захиралар яратилгани, каналларни бетонлаштириш ҳамда сувни тежовчи технологиялар қўлланишини кенгайтириш ҳисобига сувни тежаш бўйича яхши натижаларга эришилган.
«Бугунги кун ҳолатида трансчегаравий сув омборлари билан ҳисоблаганда, сув захирамиз ўтган йилнинг шу даврига нисбатан 6,5 миллиард куб метрга кам. Ички сув омборларимизда эса 2,7 миллиард куб метр кам сув йиғилган», - деган Шавкат Ҳамраев.
Сув хўжалиги вазирининг қўшимча қилишича, сўнгги 5 йилда сув хўжалиги тизимини тубдан ислоҳ қилиш, мавжуд сув захираларидан тежамкорлик асосида фойдаланишга 60 трлн сўм бюджет маблағлари ҳамда 622 млн доллар хорижий инвестициялар йўналтирилди. Натижада 2025 йилга келиб, республика бўйича сув тежайдиган технологияларнинг умумий майдони 2,6 млн гектарга ёки суғориладиган майдонга нисбатан 60 фоизга етказилган.
Мавзуга оид
14:05 / 21.11.2025
Тошкент ҳавосидаги чангни камайтириш: ҳокимлик йўлларга сув сепиш бўйича махсус режим жорий этди
13:41 / 21.11.2025
Жиззах ва Фарғона вилоятлари сув тармоғи қурилиши бўйича етакчига айланди
11:17 / 18.11.2025
Тошкентда сувдан қарздор 46 мингга яқин абонент тармоқдан узилгани маълум қилинди
22:09 / 09.11.2025