“Бизнесни 15 дақиқада бошлаш”: давлат хизматлари комплекс тарзда тақдим этилади

2026 йил 1 январдан тадбиркорлик субъектларини давлат рўйхатидан ўтказишда “Бизнесни 15 дақиқада бошлаш” тамойили жорий этилиб, бир қатор хизматлар бир вақтнинг ўзида — композит тарзда кўрсатилади.

Қонунчиликка кўра, 2026 йил 1 январдан тадбиркорларни давлат рўйхатидан ўтказиш жараёнида қуйидаги хизматлар бир вақтнинг ўзида тақдим этилади:

электрон рақамли имзо (ЭРИ) калитини бериш;
банк ҳисобварақларини очишга ариза топшириш ва уларни фаоллаштириш;
айрим фаолият турлари бўйича лицензия/рухсатнома олишга ариза ёки хабарнома юбориш;
кўчмас мулк ижара шартномасини расмийлаштириш;
ҚҚС тўловчиси гувоҳномасини олиш;
онлайн назорат-касса машиналарини онлайн харид қилиш ва уларни солиқ органларида рўйхатдан ўтказиш;
юридик шахс раҳбарини тайинлаш ва уни “Ягона миллий меҳнат тизими” ИДАКда ҳисобга қўйиш.

Ҳужжатда, шунингдек, тадбиркор ҳар бир хизматдан ўз танловига кўра ихтиёрий фойдаланиши, танланган хизматлар учун эса ягона QR-код орқали тўлов қилиш имконияти яратилиши белгиланган.