Себзорда автомобил ёниб кетди: жароҳатланганлар йўқ

26 декабр куни Тошкент шаҳри Шайхонтоҳур туманида автомобилда ёнғин содир бўлди. Тошкент шаҳар ФВББга келиб тушган хабарга кўра, қутқарувчилар ҳодиса жойига тезкор етиб бориб, ёнғинни қисқа вақт ичида ўчирган.

Маълум қилинишича, 26 декабр куни соат 19:42 да Шайхонтоҳур тумани Себзор даҳаси, 18А-уй олдида автомобил ёнаётгани ҳақида Тошкент шаҳар ФВББга хабар тушган.

Шунга кўра, қутқарув техникалари кўрсатилган манзилга соат 19:48 да етиб борган. Ёнғин соат 19:51 да тўлиқ бартараф этилган.

Қайд этилишича, ҳодиса оқибатида жароҳатланганлар йўқ. Ҳозирда ёнғин келиб чиқиш сабаблари аниқлаштирилмоқда.