Янги серияда асосий урғу REDMI Titan Durability номли бренд концепциясига қаратилган бўлиб, у корпуснинг юқори мустаҳкамлиги, сув ва чангдан яхшиланган ҳимоя ҳамда хизмат муддати узайтирилган аккумуляторларни ўз ичига олади.
Смартфонлардан ташқари, Xiaomi ўз қурилмалар экотизимини кенгайтиришда давом этиб, янги REDMI Buds 8 Lite қулоқчинларини ҳам тақдим этди.
Мустаҳкамлик ва автономлик
REDMI Note 15 Pro+ 5G ва REDMI Note 15 Pro 5G флагман моделлари SGS Premium Performance сертификатидан ўтган бўлиб, бу уларнинг йиқилиш, эгилиш ва босимга чидамлилигини тасдиқлайди. Қурилмалар, шунингдек, IP66, IP68 ва IP69 ҳимоя стандартларига жавоб беради.
REDMI Note 15 Pro+ 5G модели Silicon–Carbon технологиясига асосланган 6500 мА•соат сиғимли аккумулятор билан жиҳозланган ва 100 Вт қувватли тезкор зарядлашни қўллаб-қувватлайди. Xiaomi маълумотларига кўра, батарея 1600 та зарядлаш циклидан кейин ҳам сиғимининг 80 фоизгача қисмини сақлаб қолади, бу тахминан олти йиллик фойдаланишга тенг.
REDMI Note 15 модели эса 6000 мА•соат сиғимли катталаштирилган батареяга эга. У 22,5 Вт ёки 18 Вт (моделга қараб) қувватли реверсив зарядлашни қўллаб-қувватлайди.
Камералар
Сериянинг юқори моделлари янги HPE сенсори билан жиҳозланган 200 МП асосий камерага эга бўлиб, сифат йўқотмасдан 2× ва 4× оптик зумни қўллаб-қувватлайди. Кичик моделлар эса 108 МП камералар билан таъминланган.
Унумдорлик ва экран
REDMI Note 15 Pro+ 5G Snapdragon 7s Gen 4 платформасида ишлайди ва такомиллаштирилган IceLoop совитиш тизимига эга. Барча моделлар 120 Гцгача янгиланиш частотаси ва 3200 нит гача максимал ёрқинликка эга AMOLED дисплейлар, шунингдек, Dolby Atmos’ни қўллаб-қувватловчи стерео динамиклар билан жиҳозланган.
