1 апрелдан чет элликлар учун tax free тизими ишга тушади

2026 йил 1 апрелдан бошлаб Ўзбекистонда чет эл фуқароларига қўшилган қиймат солиғини (ҚҚС) қайтариш — tax free тизими жорий этилади. Ушбу тизим республиканинг барча халқаро аэропортларида амал қилади.

Янги тартибга кўра, чет эл фуқароларига уларнинг ихтиёрига асосан ҚҚСни нақд пулда қайтариб олиш имконияти яратилади. Бунда белгиланган ҚҚС ставкаси миқдорининг 85 фоизи харидорга қайтарилади, 15 фоизи эса tax free тизими операторининг хизматлари учун йўналтирилади.

Шунингдек, ҚҚСни чет эл фуқароларининг банк картасига қайтариш товарлар олиб чиқиб кетилган кундан кейин 3 иш кунидан кечиктирилмаган ҳолда амалга оширилади.

ҚҚСни қайтариш учун минимал харид қиймати, қўшилган қиймат солиғини инобатга олган ҳолда, 300 минг сўм этиб белгиланди.

Бундан ташқари, tax free тизими татбиқ этиладиган товарларнинг чегараланган рўйхати бекор қилинди. Мазкур қоида озиқ-овқат маҳсулотларига татбиқ этилмайди.