Havas — етти йил давомида харидорлар билан ҳамнафасликда

7 март куни Ўзбекистондаги биринчи дискаунтерлар тармоғи – Havas ўзининг етти йиллигини нишонлайди. Савдо-сотиқ соҳасида муҳим ҳисобланган ушбу давр мобайнида лойиҳа ўзига хос ривожланиш босқичидан ўтиб, миллионлаб инсонлар ҳаётининг ажралмас қисмига айланган йирик савдо тизимигача бўлган йўлни босиб ўтди. Ҳар бир оиланинг эҳтиёжларини ўрганиб, кундан-кунга ривожланиб бораётган компания янги бир истеъмол маданиятини шакллантирди. Дўкон пештахталаридаги яшил ва сариқ ранглар уйғунлиги эса бугун мусаффолик, илиқлик ва ҳақиқий фойда рамзига айланди.

Фото: Havas

Ютуқлар ва ривожланиш кўлами

2019 йилда бозорга янги тармоқ сифатида кириб келган ушбу формат бугунги кунда 300 дан ортиқ дўконни ўз ичига олган барқарор тизимга айланди. Тармоқ дўконлари Тошкент шаҳрида ҳамда унинг ташқарисида ҳам муваффақиятли фаолият юритмоқда. Бундай кенгайиш танланган модель нафақат ўзини оқлаганини, балки чинакамига оммабоп савдо форматига айланганини кўрсатади.

Ушбу муваффақиятлар ортида аҳолига сифатли маҳсулотларни адолатли нархларда тақдим этишдек муҳим ижтимоий мақсад туради. Havas’нинг бозорга кириб келиши мамлакат савдо бозорининг ривожланишига янги йўналиш берди ва соғлом рақобатни кучайтирди. Натижада хизмат кўрсатишнинг янги стандартлари шаклланди, бозор эса харидорларнинг эҳтиёжлари ҳамда тежамкор харид қилиш истагига янада кўпроқ эътибор қаратди.

Харидор учун фойдали нарх фалсафаси

Havas муваффақияти дунё бозорларида узоқ йиллардан бери самарадорлигини исботлаб келаётган моделга асосланади. Дискаунтер форматининг марказида максимал операцион самарадорлик тамойили туради. Бу ерда ортиқча безак ёки қиммат рекламаларга маблағ сарфланмайди – барча ресурслар маҳсулот нархини иложи борича паст даражада сақлашга йўналтирилади.

Жараёнларни оптималлаштириш ва ўз савдо брендларини ривожлантириш харидорларга маркетинг шов-шувлари учун ортиқча ҳақ тўламасдан сифатли маҳсулот олиш имконини беради. Компания ичидаги бундай оқилона ёндашув бевосита истеъмолчиларнинг баракасида акс этади.

Оқилона харажатлар билан яхши яшаш

Havas пайдо бўлиши билан тежамкорлик одати сифат ва қулайликни танлашга айлана бошлади. Дискаунтер формати маҳсулотнинг нархи ва сифати ўртасида муроса излашга ҳожат қолдирмайди – харидор иккаласини ҳам бир жойда топа олади.

Ҳар бир маҳаллада дўконларнинг мавжудлиги харид жараёнини анча енгиллаштирди ва инсонларга энг қиммат ресурс – вақтни тежаш имконини берди. “Уйга яқин” форматидаги дўконлар узоқ бозорларга бориш заруратини камайтиради, кундалик харидларни тез ва қулай жараёнга айлантиради. Зарур маҳсулотлар яқин бўлганда ва харажатлар олдиндан режалаштирилганда, оилалар бюджет ҳамда вақтни ҳаёт сифатини яхшилаш учун йўналтириш имконига эга бўлади.

Барқарорлик ва ривожланиш

Фаолиятининг етти йили давомида Havas мижозларга яқинлик ва нархларнинг фойдалилиги энг тўғри стратегия эканини исботлади. Тармоқнинг ҳудудлар кесимида кенгайиши бундай форматга эҳтиёж жуда катта эканини кўрсатмоқда. Havas ўз харидорлари учун кундалик харидларни қулай ва барқарор қилиш йўлида туну кун хизмат қилмоқда.