Қўшимча функционаллар
-
Тунги кўриниш
Сув танқислигининг олдини олиш учун янги чоралар қабул қилинди
Ўзбекистонда суғориш тизимида сув йўқотишларини камайтириш ва сув танқислигининг олдини олишга қаратилган қўшимча чора-тадбирлар белгиланди.
Фото: Kun.uz
Президентнинг “Суғоришда сув йўқотишларини камайтириш ва сув танқислигининг олдини олиш бўйича қўшимча чора-тадбирлар тўғрисида”ги қарори қабул қилинди.
Қарорга кўра, Сув хўжалиги вазирлиги тизимида сув йўқотилиши юқори бўлган 389 километр каналларни реконструкция қилиш ва бетонлаштириш режалаштирилган.
Ушбу ишлар натижасида йилига ўртача 206 миллион куб метр сув ресурсларини ҳамда 26 миллион киловатт соат электр энергиясини иқтисод қилиш имконияти яратилади. Шунингдек, 158,4 минг гектар суғориладиган ерларнинг сув таъминотини яхшилаш кўзда тутилган.
Шу билан бирга, сув танқислиги шароитида сув ресурсларидан оқилона фойдаланиш чоралари кучайтирилади.
Қарорга мувофиқ, суғориш тармоқларини таъмирлаш ва бетонлаштириш ишлари “бир канал – бир тизим” тамойили асосида, аввал бетонлаштирилган ёки бетонлаштириш бошланган каналлардан сув олувчи тармоқларда биринчи навбатда амалга оширилади.
