Трамп Осиё ва Европа мамлакатларини ўз кемаларини Хўрмуз бўғозига юборишга чақирди

Эрон ташқи ишлар вазири Аббос Ароқчи Хўрмуз бўғози очиқлиги, фақат АҚШ, Исроил ва уларнинг иттифоқчиларига тегишли кемалар учун чекловлар мавжудлигини айтди.

Фото: Reuters

АҚШ президенти Доналд Трамп қатор мамлакатларни ўз кемаларини Хўрмуз бўғозига юборишга чақирди.

«Хитой, Франция, Япония, Жанубий Корея, Буюк Британия ва бу сунъий чекловлардан жабр кўрган бошқа мамлакатлар бутунлай бошсиз қолган бу миллат Хўрмуз бўғозида хатар туғдирмаслиги учун ўз кемаларини ушбу ҳудудга юборишларига умид қиламан», — деб ёзди у Truth Social ижтимоий тармоғида.

Унинг сўзларига кўра, АҚШ «Эроннинг ҳарбий салоҳиятини 100 фоиз йўқ қилган».

Эрон ташқи ишлар вазири Аббос Ароқчи эса Хўрмуз бўғози очиқлиги, фақат АҚШ, Исроил ва уларнинг иттифоқчиларига тегишли кемалар учун чекловлар мавжудлигини маълум қилди.

"Аслида Хўрмуз бўғози очиқ. У фақат душманларимизнинг танкер ва кемалари учун ёпиқ. Бизга ҳужум қилаётганлар ва уларнинг иттифоқчилари учун. Қолганлар бемалол ўтишлари мумкин", - деди у.

Тайёрлаган Дилшодбек Асқаров

#Доналд Трамп #Хўрмуз бўғози

Эрон ядро дастури бўйича музокаралар расман тугамай туриб, 2026 йил 28 феврал куни АҚШ ва Исроил Эрон ҳудудига зарбалар бера бошлади. Президент Доналд Трамп ҳужумлардан мақсад Теҳрондаги режимни ағдариш эканини эълон қилди.