Президент Шавкат Мирзиёев 14 апрел кунги йиғилишда бу топшириқ ижроси учун масъулларга 3 ой муддат белгилади.
Шунингдек, пудрат корхоналарига чет элдан йилига фақат битта махсус техника олиб келиш чеклови бекор қилинади. Бу ҳақдаги қарор лойиҳаси 1 ҳафта ичида киритилиши керак.
Президент “Шаффоф қурилиш” рейтингида қурувчиларга лизингга олинган техникаси учун балл берилмаётгани нотўғри эканини айтди. Бундай техникалар ҳисобга олинса, камида 500 та корхонанинг рейтинги 1-2 поғона кўтарилиб, 17 триллион сўмлик бозорга кириш имкони пайдо бўлади.
Қурилиш вазирлигига лизингга олинган техникалар электрон базасини ишга тушириб, “Шаффоф қурилиш” тизимига интеграция қилиш ва балл беришни бошлаш топширилди.
