Тошкент ва Нурафшон шаҳарларини боғловчи автомобил йўлида жорий йилнинг 21 июль кунига қадар транспорт воситаларнинг ҳаракати тўлиқ чекланди.
Тошкент вилояти ЙҲХБ хабарига кўра, бунга йўлдаги иншоотларнинг қурилиши сабаб бўлган.
«Тошкент - Нурафшон (D002) автомобил йўлининг 4 километридан 9-километрига қадар транспорт воситаларининг ҳаракати тўлиқ чекланади», дейилади хабарда.
Шу сабабли ЙҲХБ ушбу йўлдан ҳаракатланувчи ҳайдовчиларга айланма йўллардан фойдаланиш бўйича тавсиялар берди.
