Миллий статистика қўмитаси маълумотларига кўра, 2026 йилнинг январ–июн ойларида Ўзбекистон хориждан қиймати 359,5 миллион АҚШ долларига тенг бўлган 72 минг тонна мол гўшти импорт қилди.
Қайд этилишича, импорт ҳажми ўтган йилнинг мос даврига нисбатан 6 минг тоннага ёки 9,1 фоизга ошган.
Ҳисобот даврида Ўзбекистонга энг кўп мол гўшти Ҳиндистондан импорт қилинган. Мазкур мамлакатдан 33,9 минг тонна маҳсулот етказиб берилган.
Шунингдек, Беларус 19,6 минг тонна, Қозоғистон 10,6 минг тонна, Покистон 4 минг тонна мол гўшти экспорт қилган. Яна 4 минг тонна мол гўшти бошқа давлатлар ҳиссасига тўғри келган.
Статистикага кўра, Ҳиндистон, Беларус ва Қозоғистон 2026 йилнинг биринчи ярмида Ўзбекистонга мол гўшти етказиб берган асосий ҳамкор давлатлар бўлган.
