Associated Press хабарига кўра, 11 август куни Ливан парламенти мамлакатда ўлим жазосини бекор қилиш учун овоз берди.
Бундан буён олий жазо ўта оғир каторга ишлари билан бирга умрбод озодликдан маҳрум қилиш жазосига алмаштирилади.
“Ҳизбуллоҳ” ҳаракатининг парламент блокидан ташқари барча партиялар ўлим жазосининг бекор қилинишини қўллаб-қувватлади.
Шу тариқа Ливан араб дунёсида ўлим жазосини бекор қилган биринчи мамлакатга айланди.
2004 йил январидан бери Ливанда ўлим ҳукмларини ижро этишга норасмий мораторий амалда эди. Бу вақт ичида ўнлаб шундай ҳукмлар чиқарилган.
