АҚШ Қуролли кучлари Ҳўрмуз бўғози устидан назоратни сақлаб қолади, деб ёзди АҚШ президенти Доналд Трамп ўзининг Truth Social ижтимоий тармоғида.
«АҚШ Ҳўрмуз бўғозини тўлиқ назорат қилади. Ўйлайманки, биз бу назоратни сақлаб қоламиз. Бизнинг денгиз блокадамизни ҳамма “пўлат девор” деб атайди, Эрон эса бунга қарши ҳеч нарса қила олмайди», — деб қайд этди сиёсатчи.
Шу билан бирга, 11 август куни Эрон Миллий хавфсизлик олий кенгаши котиби Муҳсин Ризоийнинг айтишича, Қўшма Штатлар ўз хатти-ҳаракатларини ўзгартириши ва Эрон шартларини қабул қилиши керак, акс ҳолда Ҳўрмуз ёпиқлигича қолади. Унинг таъкидлашича, АҚШ бутун минтақани хавф остига қўйган ноқонуний урушни бошлаган.
АҚШ июль ойида Эрон портлари блокадасини қайта тиклади. 8 август куни вице-президент Жей Ди Вэнс Теҳрон билан зиддиятни бартараф этиш бўйича музокараларда муайян ютуқларга эришилганини маълум қилди. Reuters маълумотларига кўра, Эрон йўлакдан ўтиш учун ҳақ талаб қилмасликка рози бўлган, бироқ афтидан, унга кираётган кемаларни назорат қилиш ҳуқуқини олган.
