Япониянинг Mitsubishi компанияси янги моделлар билан Америка бозоридаги ўз мавқеини мустаҳкамлашга қарор қилди. Хусусан, электр Eclipse Sportback ва Outlander’нинг янги варианти эълон қилинди
Mitsubishi компанияси АҚШ бозоридаги моделлар қаторини кенгайтиради. Momentum 2030 стратегияси доирасида Mitsubishi 2027 йилгача Америка бозоридаги автомобиллар сонини ҳозирги тўрттадан олтитага етказишни режалаштирмоқда. Компания тўлиқ электр қувватида ҳаракатланувчи Eclipse Sportback EV ва Outlander’нинг янги «йўлтанламас» вариантини тақдим этади.
Mitsubishi Eclipse Sportback EV (2027)
Mitsubishi’нинг пикаплар сегментига қайтиши яна бир муҳим йўналиш бўлади. Бунинг учун компания Nissan билан ҳамкорлик қилиш ниятида, бироқ келажакдаги модел ҳақида ҳозирча тафсилотлар йўқ.
Mitsubishi Outlander Trail Edition
Бундан ташқари, япон бренди ички ёнув двигателли автомобиллардан воз кечмаган ҳолда электрлаштиришни фаолроқ ривожлантиришни ҳамда талабга қараб турли қувват қурилмаларини биргаликда қўллашни режалаштирмоқда.
Шунингдек, Mitsubishi афсонавий Pajero’нинг жаҳон бозорига қайтишини эслатиб ўтди. Янги автомобил тақдимотга тайёрланмоқда.
