31 август куни соат 13:44 да Зангиота тумани «Ал-Хоразмий» МФЙ ҳудудида жойлашган омборлардан бирида ёнғин содир бўлаётгани ҳақида Тошкент вилояти Фавқулодда вазиятлар бош бошқармасига хабар келиб тушган.

Хабар асосида ёнғин-қутқарув бўлинмалари зудлик билан воқеа жойига етиб борган.

Ёнғин соат 14:22 да қуршаб олиниб, соат 15:10 да тўлиқ ўчирилган.

Расмий маълумотга кўра, ҳодиса оқибатида тан жароҳати олганлар йўқ.

Ҳозирда ёнғиннинг келиб чиқиш сабаби ва етказилган моддий зарар миқдори аниқланмоқда.