Ташаббус доирасида Ўзбекистоннинг турли ҳудудларидан, жумладан, Тошкент шаҳридан 490 нафар мактаб ўқувчиси мактаб формаси, пойабзал ва ўқув қуроллари тўпламларини олди. Ёрдам янги ўқув йилига тайёргарлик даврида болалар ва уларнинг оилаларини қўллаб-қувватлаш мақсадида мамлакатнинг бир қатор ҳудудларида ташкил этилди.
Бундан ташқари, UZCARD мактаб ўқувчиларига совға тўпламлари таркибига киритилган брендланган рюкзакларни ҳам тақдим этди.
«Янги ўқув йилининг бошланиши ҳар бир мактаб ўқувчиси учун муҳим босқичдир. Биз учун қўшимча кўмакка муҳтож болаларнинг янги ўқув йилини ишонч билан бошлашига ёрдам берадиган ташаббусларни қўллаб-қувватлаш алоҳида аҳамиятга эга. Ўзбекистон мустақиллигининг 35 йиллиги нишонланаётган йилда биз мамлакатимиз келажагига ўз ҳиссамизни қўшиш ва ёш авлодни қўллаб-қувватлашни истаймиз.
UZCARD учун бундай лойиҳаларда иштирок этиш — оилаларни қўллаб-қувватлаш ва болаларнинг янги ўқув йилини зарур мактаб анжомлари ҳамда кўтаринки кайфият билан қарши олишига ёрдам бериш имкониятидир.
Ижтимоий ташаббуслар UZCARD фаолиятининг муҳим қисми бўлиб, компаниянинг жамиятни қўллаб-қувватлашга қаратилган лойиҳаларда иштирок этишга бўлган интилишини акс эттиради.
Барча мактаб ўқувчиларига муваффақиятли ўқув йили, янги билимлар, ёрқин кашфиётлар ва улкан ютуқлар тилаймиз!»
UZCARD. Қулай яшанг.
Реклама хуқуқи асосида
