Reuters агентлигининг икки суҳбатдошига кўра, ушбу икки мамлакатнинг иммиграцион визаларига устуворлик бериш ҳақидаги фармойиш Оқ уйдан келган. Бошқа мамлакатлар учун иммиграцион виза суҳбатларига ёзилишни вақтинча тўхтатиш тартиби ўз кучида қолмоқда.
АҚШ нима учун айнан Венгрия ва Полшани ажратиб кўрсатгани ҳозирча номаълум. Reuters’нинг қайд этишича, Трамп ва унинг маслаҳатчилари ҳар икки давлат ҳукуматидаги ўнг қанот кучлар билан яқин алоқалар ўрнатган. Хусусан, Трамп Венгриянинг собиқ бош вазири Виктор Орбанни, шунингдек, Полшанинг амалдаги президенти Карол Навроцкини очиқ қўллаб-қувватлаган, унинг сайланиши эса бош вазир Доналд Тускнинг марказчилар ҳукумати билан зиддиятга олиб келган эди.
2026 йил бошида АҚШ Давлат департаменти 75 мамлакат, жумладан, Ўзбекистон фуқаролари учун иммиграцион виза аризаларини кўриб чиқишни тўхтатишга қарор қилгани маълум бўлган эди. Идора консулларга АҚШда ижтимоий нафақа олишга уриниши мумкин бўлган шахсларга виза беришни рад этишни тавсия қилган. Давлат департаментининг бу қарори устидан судга шикоят қилинган. Август ойида Нью-Йорк штати федерал суди уни ноқонуний деб топиб, қарорни бекор қилган. Бироқ ой охирида Трамп маъмурияти консуллик ходимларини «чуқурлаштирилган ўқитиш»дан ўтказиш учун иммиграцион виза аризаларини кўриб чиқишни яна тўхтатиб қўйган эди.
