Марказий Осиёдаги биринчи ва ягона бўлган ушбу кўпфункцияли лайнер UK39010 рақами билан Ўзбекистонда рўйхатга олинмоқда. Бу Embraer компаниясига Ўзбекистон Ҳарбий-ҳаво кучлари учун буюртма қилинган шу турдаги икки самолётнинг биринчисидир.
Ҳаво кемаси ҳарбий ливреяга бўялган, яқин орада у Ўзбекистонга етказилади.
Embraer C-390 Millennium — Бразилиянинг Embraer компанияси томонидан ишлаб чиқарилган, юк кўтариш қуввати 26 тоннагача бўлган замонавий, икки двигателли, ўрта масофага учувчи реактив транспорт самолётидир. Самолёт юк ташиш, ҳавода ёнилғи қуйиш, қидирув-қутқарув операциялари ва тиббий эвакуация учун мўлжалланган.
