Суперлиганинг 25-турида чемпионлик учун кураш олиб бораётган клублар баҳслашди.
Суперлига, 25-тур
23 октябр, Тошкент, «Пахтакор» стадиони
ПАХТАКОР - НЕФТЧИ 1:3
Голлар: Достонбек Ҳамдамов (23 пен) - Стипе Перица (55), Коффи Куао (66), Жамшид Искандеров (89 пен)
«Пахтакор»: Владимир Назаров, Зайд Таҳсин (Дилшод Абдуллаев 79), Дилшод Саитов (Айман Ҳусайн 83), Иброҳим Ибрагимов, Достонбек Ҳамдамов (Ойбек Бозоров 75), Башар Ресан (Ҳожиакбар Алижонов 75), Абдурауф Бўриев, Шерзод Насруллаев, Фламарион, Муҳаммадрасул Абдумажидов, Стефан Чинеду.
«Нефтчи»: Ботирали Эргашев, Боян Цигер, Икром Алибоев, Владимир Йовович (Ратиньо 70), Жамшид Искандеров, Нурмуҳаммад Абдуғаниев (Аброр Исмоилов 46), Анвар Ғофуров, Муҳсин Убайдуллаев (Алишер Одилов 46), Зоран Марушич (Стипе Перица 31), Фарруҳ Сайфиев, Коффи Куао (Иброҳимҳалил Йўлдошев 70)
Огоҳлантиришлар: Зайд Таҳсин 72, Икром Алибоев 80
Четлатиш: Дилшод Абдуллаев (Пахтакор, 88)
23 октябр куни Тошкентда «Пахтакор» ва «Нефтчи» ўзаро тўқнаш келди.
Норасмий равишда «Ўзбек Класикоси» номини олган баҳс қизғин ва кескин курашларга бой ўтди.
23-дақиқада мезбонлар ҳужумчиси Достонбек Ҳамдамов пенальтини аниқ амалга ошириб, ҳисобни очди.
55-дақиқада Стипе Перица яқин масофадан дарвозани «ўққа тутиб» ҳисобни тенглаштирди.
66-дақиқада ўнг қанотдан жарима майдонига ёриб кирган Коффи Куао фарғоналикларга ғалаба келтирган голни урди.
89-дақиқада Жамшид Искандеров пенальтини аниқ амалга оширди.
Бу натижадан сўнг, «Нефтчи» (58 очко) ва «Пахтакор» (53 очко) ўртасидаги фарқ 5 очкога етди. Чемпионат якунига қадар яна 5 та тур бор.
